رد ائدوب جانان جمالیندن نقاب

شرمسار اولدی یوزوندن آفتاب


رد ائدوب جانان جمالیندن نقاب

شرمسار اولدی یوزوندن آفتاب

طعنه ویردی آفتابه دلبریم

گیزلدوب گورجک یوزون رخ آفتاب

جلوه گر اولجاق ایشیقلاندی جهان

خاک راهیندن اوپوبدور ماهتاب

امر اولوب گویا حجابات اهلینه

سویگلی جانان گوروندی بی حجاب

دوقوز اینجی گون اولوبدور جلوه گر

حمله ور اولدی شیاطینه شهاب

عالمه تا که قدم قویدی جواد

جنت ایتدی دهری بو عالیجناب

تا علی موسی الرضانین مظهری

گلدی دنیایه سووندی مام و باب

مظهر و مفخردی آل حیدره

آدینه فخر ائلر آل بو تراب

شمسیدور شمس الشموسه نور عین

شانینه گوهر نثار ایلر سحاب

هر سوزی برهان و حکمت دور یقین

علم و عرفانه ائدر مین فتح باب

بیر باخیشلان عالمی ایلر جنان

کاخ بیدادی یخوب ایلر خراب

گلسه گفتاره لب شکر شکن

متن گفتاری توکر هی در ناب

شافع رئز جزادور امته

شاد اولار عاشقلری روز حساب