بشیمجی حجت خدا              صفای قلب فاطمه

امام باقرالعلوم                    قدم قویوبدی عالمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی


بشیمجی حجت خدا              صفای قلب فاطمه

امام باقرالعلوم                    قدم قویوبدی عالمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی

 

سریر علم و حکمتین                        گلوبدی شاهی بو گجه

شرافت آسمانی نین              گوروندی ماهی بو گجه

گلوب ره سعادتین               چراغ راهی بو گجه

طریق حقی گوسترن                        جهاندا نسل آدمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی

 

ائدوبدی نور چهره سی                     فنا جهانی منجلی

گوز آچدی بیت وحی ده                    جهانه زاده علی

شیرین سوزی ائشیتمه لی                  گوزل جمالی گورمه لی

وجود پاکی افتخار                           اولوب رسول خاتمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی

 

نجه مقامیدور که حق                       وئروب امام باقره

گوزل نشانه سین آدی                      وئروبدی جدی جابره

دیوب سلامیمی یتور                                   او شاه پاک و طاهره

اودور بشیمجی حجت                      خدا هامی عوالمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی

 

اوخور چمنده عشقیلن                       قناری لر هزاره لر

باخوللا مه جمالینه                          سروریلن ستاره لر

بیری بیرینه گونله آی                      وئرور یواش اشاره لر

چاتانماروخ دیوله بی                       بو نور حی اعظمه

عزیز مصطفی گلدی

جهانه خوش صفا گلدی

مبارکدور مبارکدور

شه اهل وفا گلدی