ایلیوب مسند ، سپهر خلقتی بدر الدجی

دولدوروب کون و مکانی لمعه  نور خدا


ایلیوب مسند ، سپهر خلقتی بدر الدجی

دولدوروب کون و مکانی لمعه  نور خدا

التجانون ملکینه الله آچوب باب مراد

عالمه قویدی قدم اول شافع یوم معاد

سجده شکره دوشوبدی حضرت زین العباد

مرتضی دشمنلرون حق ایلدی زار و ملول

آچدی دنیایه گوزون اول باقر آل رسول

عطر زلفی ایلیوب ملک حجازی چون ختن

مست ائدوبدی آهوان عشقی مشک نابلن

عارضینده نقش سیمای نبی اولموش علن

مهریله آغوشینه آلدی حسین بن علی

آدینی قویدی محمد وارث حُسن نبی

حُسن یزدان جلوه گر اولدی جهاندا بی نقاب

مِهر رخسارون گوروب دوشدی زواله آفتاب

عکس طاهانی دئیرسن آق قماط ایلوبدی قاب

ائتمه یوسفله قیاس چون حُسن بی همتادی بو

یوسف اولسا مصر عزیزی یوسف زهرادی بو

کنیه بو جعفر ، لقب باقر ، امیر مستدام

عزّت و شوکتده چون حیدر شه والا مقام

هم آناسی هم ایکی جدّی امام بن امام

مشعل بزم معارف نور عین مجتبی

شأنینه باخ جدّیدور شاهنشه کرب وبلا

حجّت حقدی نه یازسام شأنینه زیبنده دور

دانش و علم و فضیلت درگهونده بنده دور

بیر فلق دی حشره تک یوخ مغربی پاینده دور

عالِم علم علیدور مرشد ارشادیدور

وارث ذکرو سجود حضرت سجّادیدور

 

همچو اجدادی اولوبدور کائناته سایه سار

شهریار ملک جاندی خسرو گردون مدار

سالکان عشقه رهبردی شه والا تبار

رشک فردوس برین ایلر هارا قویسا قدم

حیدری دمدور وئرر مینلر مسیحه تازه دم

 لطفوله باخ بیر بو جمعه یادگار کربلا

گور نه مدّتدی اولوبلار درد هجره مبتلا

گل دعا ایله بالان مهدی ظهوری تئز اولا

«جاهدی» عرض ایلوری شاهنشه کون و مکان

عیدیانه ایسته گلسون صاحب عصر و زمان