ای شریک غمیم، مونس و همدمیم، قلبیمه مرهمیم

یاننام ئولونجن آغلارام یارالی زهرا

گئجه‌لر تا سحر، گوزوم اشکین الر، اولارام خونجگر

دیزلریمی قوجاقلارام یارالی زهرا

وای قلبیمی غصه‌لر اوخی منیم بولوبدی

وای او حیدرم فاطمم اللرده ئولوبدی


ای شریک غمیم، مونس و همدمیم، قلبیمه مرهمیم

یاننام ئولونجن آغلارام یارالی زهرا

گئجه‌لر تا سحر، گوزوم اشکین الر، اولارام خونجگر

دیزلریمی قوجاقلارام یارالی زهرا

وای قلبیمی غصه‌لر اوخی منیم بولوبدی

وای او حیدرم فاطمم اللرده ئولوبدی

وای یارالی زهرا، وای یارالی زهرا، وای یارالی زهرا، یارالی زهرا

گوزیاشیم قان اولوب، ایشیم افغان اولوب، دل پریشان اولوب

محنتیمی مهریله ماهه دئیرم من

جان وئروب دلبریم، باوفا همسریم، یوخدی غم‌پروریم

چوخ گئجه‌لر دردیمی چاهه دئیرم من

وای اودلانارام من در و دیواره باخاندا

وای ئولوب دیریللم ایتی مسماره باخاندا

وای یارالی زهرا، وای یارالی زهرا، وای یارالی زهرا، یارالی زهرا

*****

دردیمی یوخ بیلن، اشکیمی یوخ سیلن، منه سس وئگیلن

درده اورک گلوبدی غمدن گئجه‌یاری

بی‌کس و مضطرم، آه و وا ایلرم، باغریقان حیدرم

قبروین اوسته گلمیشم من گئجه‌یاری

وای پیمبرین نگارینون حبیبی‌ام من

وای یاریم ئولوب مدینه‌نون غریبی‌ام من

وای یارالی زهرا، وای یارالی زهرا، وای یارالی زهرا، یارالی زهرا

*****

وار اورکده یارام، دلده یوخدور دوام، فاطمه قورخورام

چوخ ایلیه عمرومی حق جهاندا سن‌سیز

یانارام آغلارام، عالمی داغلارام، سنه یاس ساخلارام

قلبیمی سوندورن یوخ اودلاناندا سن‌سیز

وای عم‌قیزی سن‌سیز عالمین صفاسی یوخدی

وای یانار علی کی دردینون دواسی یوخدی

وای یارالی زهرا، وای یارالی زهرا، وای یارالی زهرا، یارالی زهرا

*****

مقصده چاتمیسان، حیدری آتمیسان، قبریده یاتمیسان

سن‌سیز ائوین چراغین ایندی یاندیران یوخ

گوللرون سولوبلار، خونجگر اولوبلار، گوزلری دولوبلار

زینبوین ساچلارینا شانه ویران یوخ

وای گوزیاشین ئوزدن بلی سیلمز نه‌نه‌سیز قیز

وای روز و شب آغلار گوله بیلمز نه‌نه‌سیز قیز

وای یارالی زهرا، وای یارالی زهرا، وای یارالی زهرا، یارالی زهرا

*****

حسن آغلار سنه، غم یاغار گلشنه، چوخ چتیندور منه

سوزیله سسلنر کی هردن نه‌نم ای‌وای

دولار آغلار گوزی، نوحه باشلار اوزی، بودور اودلی سوزی

گول ئوزونی سیلی گوَردن نه‌نم ای‌وای

وای گور نئجه وقر مرتضانی سیندیروبلار

وای کوچه‌ده غملی یارینه سیلی ویروبلار

وای یارالی زهرا، وای یارالی زهرا، وای یارالی زهرا، یارالی زهرا