حامی امامت ای حیالی زهرا

باغ آشنایی نونهالی زهرا

دردمند و غصّه لیم- من عم اوغلوام علیم

باخ علیده صبره- زائرم بو قبره


حامی امامت ای حیالی زهرا

باغ آشنایی نونهالی زهرا

دردمند و غصّه لیم- من عم اوغلوام علیم

باخ علیده صبره- زائرم بو قبره

بو علینی دردون ایتدی خسته دیندیر

آیریلوق ایدوبدور دل شکسته دیندیر

نیمه شب گلیبدور قبرون اوسته دیندیر

گور نجه تکم زهرا- قالموشام تک و تنها

باخ علیده صبره- زائرم بو قبره

پشت درده مندن ایلدون حمایت

قولدا تازیانه ردّی وار علامت

سن مریض اولاندان اولموشام خجالت

دلفکاروام زهرا- داغداروام زهرا

باخ علیده صبره- زائرم بو قبره

توپراق آلتدا زهرا یاتموسان یارالی

حیدری همیشه ایلدون عزالی

گون به گون اوشاقلار گُل کیمی سارالی

زینبون اورک داغلور- وای آنا دیور آغلور

باخ علیده صبره- زائرم بو قبره

ختم مرسلینه مطلبی عیان ویر

صبر مرتضانی شرح ایدوب بیان ویر

تازیاینه ردّین حضرته نشان ویر

سویله غنچه گل سولدی- محسنیم شهید اولدی

باخ علیده صبره- زائرم بو قبره

دی عم اوغلوم ایتدی امریوه اطاعت

حقّی گیتدی الدن صبر ایدوب او ساعت

اود وورولدی یاندی درگه امامت

اینجیدوبله مولانی- باغلادی قولون ثانی

باخ علیده صبره- زائرم بو قبره