ای خدا علینون یوخدی دادخواهی

مشکله دوشوبدی عالمین پناهی

یومدی گوزلرین زهرا، وردیم اولدی واویلا

یالقوزام الهی، یالقوزام الهی


ای خدا علینون یوخدی دادخواهی

مشکله دوشوبدی عالمین پناهی

یومدی گوزلرین زهرا، وردیم اولدی واویلا

یالقوزام الهی، یالقوزام الهی

اهل بیته یثرب غملی محبس اولدی

حامیان قرآن جمله بی کس اولدی

باغ آل هاشم ظلم الیله سولدی

باغلانان قاپوم یاندی، حالتیم پریشاندی

یالقوزام الهی، یالقوزام الهی

درگهیم یاناندا یاندی غملی جانیم

قالدی پشت درده یار مهربانیم

فضّه نی چاغوردی همسر جوانیم

فاطمه حیالیدی، باشی چوخ بلالیدی

یالقوزام الهی، یالقوزام الهی

غسل ایدن زمان من غم چکن وجوده

نار درد و غصّه دوشدی تار و پوده

گوزلریم دوشنده بازوی کبوده

سسلدیم عزیزیم وای، قمچی یورقونی لایلای

یالقوزام الهی، یالقوزام الهی

دختر رسولین داشدی جام صبری

ایلدی خجالت سیل اشکی ابری

نه بُلوندی قدری نه تانوندی قبری

روزگاریدن دویدی، زینبی یتیم قویدی

یالقوزام الهی، یالقوزام الهی

مجتبانی گورّم دلده یارب آغلار

گاهی امّ کلثوم، گاهی زینب آغلار

سو دیر حسینی نیمه ی شب آغلار

آختارار غریبانه، شمعی مثل پروانه

یالقوزام الهی، یالقوزام الهی

گر قالِیدی محسن هاردا دینجَلردی

گوزلری آناسین آختاروب نیدردی

کیم سودین ویروب کیم قونداقین بَلردی

غنچه سولدی گُل سولدی، گلشنیم تالان اولدی

یالقوزام الهی، یالقوزام الهی