بولمرم یا رب نه غمدی غم توتوب دنیا بوگون

ایلیوب رحلت مگر صدیقه کبری بوگون

 


بولمرم یا رب نه غمدی غم توتوب دنیا بوگون

ایلیوب رحلت مگر صدیقه کبری بوگون

 

ناله فریادیلن دولموش تمام ماسوا

گوش هوش اولسا گلور هر سمتدن آه نوا

ساکنان عرش اعضک نالیه گلمیش و یا

زینب کبری چکر فریاد وا اُمّا بوگون

 

بیر طرف ده باش آچوبدور مجتبی ایلر نوا

بیر طرف مظلوم دشت نینوا ایلر نوا

بیر طرف ده زینب بختی قرا ایلر نوا

بیر طرف ده مرتضی اتمیش عزا برپا بوگون

 

صاحب ایام عاشورا اوزی فریاد ادیر

حضرت زینب گلور داده اونا امداد ادور

گاهی وا اُمّا دیور گه وا اخا گه داد ادور

کربلا دشتین مجسم ایلیوب گویا بوگون

 

بیر کمک یوخدور او صحرا ده گوروب قارداشینه

گلدی میدانه اجازه وردی گوزدن یاشینه

این سعده عجز ایدوب گویدی الینی باشینه

سویلیوب اولدورمیون نیلوب حسین اما بوگون

 

رحمه گلدی اول ستمگر عمر قیلدی لشگره

یول ورون باجی گئده قارداشینی بیرده گوره

ایلیون اوندنا نشانه پیکرین خنجرلره

سوکیمی هر سویه اولسون قانی جاری تا بوگون

 

گلدی قارداش باشی اوسته زینب زار و جزین

بیر دمی دمساز اولا کشف ایلیه درد دیلین

آچدی قانلی گوزلرین فرمایش ائتدی شاه دین

باجی زینب دشمنه عجز ایتمه یالوارما بوگون

 

آچما باشون بولما زلفون اولما دلگیر آغلاما

اولمیوب اولماز باجی تقدیره تدبیر آغلاما

قلبیمی یاندورما وار آهون ده تاثیر آغلاما

خیمه لر سمتینه گئت صبر ایله یا اختا بوگون

 

روز محشردن شهاب ایتمه بو قدری واهمه

شافع یوم قیامتدور جناب فاطمه

مصطفی اول قرب و شانیله دیر با اینمه

هیچ کسون یوخدور نجاتی گلمسه زهرا بوگون