ای رخ زیباسی گون تک مطلع انوار عم اوغلی

گورنجه اولموش گوزیمده روز روشن تا عم اوغلی


ای رخ زیباسی گون تک مطلع انوار عم اوغلی

گورنجه اولموش گوزیمده روز روشن تا عم اوغلی

بیر نفس اول منه یار عم اوغلی؛ قالماسون دلده اسرار عم اغلی

آب و خاک و باد و آتش گورمیوب من تک بلاکش

هانسی غم کشلر کشاکش گوردی زهرا وار عم اغلی

دوقوز ایل دار فناده گر چه بو دولت سراده

سنله اولدوم هم اراده ایلدیم رفتار عم اغلی

بیر نفس اول منله بسدور خوش دمیم چون بونفسدور

قصه پروار هوسدور بیر بودم دیدار عم اغلی

گچدی روز و روزگاریم آه و افغان اولدی کاریم

قالدی مندن یادگاریم دیده خونبار عم اغلی

ایلیم قویمازدی امت اوز ایویمده ناله راحت

گورمدیم بسدور بو محنت سایه دیوار عم اغلی

گورسنور افسرده گلده وار نه لر بو غنچه دلده

نه دیوم من یوخدی دلده طاقت گفتار عم اوغلی

گرچه بو انواع صحبت دردسر دور رنج و محنت

فرض دور اما وصیت ایلمک اظهار عم اوغلی

اولا عرضیم بودور سن اختیار ایتسن اگر زن

اولسا خلقی خلقی احسن اختیارون وار عم اوغلی

هر گجه ذوق و خیالون صبحه دین خوش قیلساحالون

بیر گجه جمع ایت عیالون باشه اول غم خوار عم اوغلی

وار یری اولسا گلستان زینب و کلثومه زندان

پای بند وصله هجران سخت اولور دشوار عم اوغلی

بیرده عرضیم منکه الم هر نه واقع اولسا بولم

جنت ایچره سانما گولم قیلسان آه زار عم اوغلی

ویر گجه غسل ایله تکفین قویما قالسون صبحه تدفین

نارضایم گورسه بدبین زمره اشرار عم اوغلی

خواهشیم وار بیرده سندن کچ قصوریم اولسا مندن

بو حسینیله حسندن اینجمه زینهار عم اوغلی

باغلیوب روحیم علاقه بو ایکی غم اتفاقه

جفت دور اوخشالا طاقه بیردی بو آثار عم اوغلی

بونلار حقینده مکرر چون دیری بعض سوزلر

عالمه ررحمت پغمبر احمد مختار عم اوفلی

آشکارادور بو مطلب بدوده اولموش مرتب

بو ایکی رخشنده کوکب چوخ گورر آزار عم اوغلی

بو کی اوغلوم موجتبا دور قسمتی زهر جفادور

چونکه تقدیر خدادور بو مقدر کار عم اوغلی

بولموشم اوغلوم حسینه بو نجات عالمینه

قوت جان نور عینه نیلر اهل نار عم اوغلی

ذکری کچمیش اولنده قتل هر کس مقتلنده

قاتل اولموش شمر النده خنجر خونخوار عم اوغلی

کربلاده نور یزدان بی خبر اولجاق فروزان

ایلر عشاقین شتابان جلوه دلدار عم اوغلی

تا دوتار شور حسینی آرتورور نور حسینی

آدلانور طور حسینی قان دولان کهسار عم اوغلی

گل آچار اوخ پیکرنده خنجر آغلار حنجرنده

سهلدور باش اللرنده قطع ایدر کفار عم اوغلی

صافیا اولموش نه حادث بو قدر تطویله باعث

قورخورام آچسون مباحث اولسا چوخ تکرار عم اوغلی